Thursday, February 5, 2009

My Pre-Valentine Post- Ang Mga Lecheng Lalaki sa Buhay ni BEA

Sila Robert Pattinson, Shane west at Chad Murray ay di ko kaano-ano! wala lang!


Everyone says: Masarap ang ma-inlove… but for me.. isang malubhang sakit ang ma-inlove!

Sabihin na nating manhater kung manhater na ang labas ng istoryang ito. Hindi naman sa umaarte o nagiinarte ako pero ang lahat ng ito ay pawang katotohanan lamang. Ika nga nila na ang katotohanan ang mananaig sa mundo. Wala akong intensiyong siraan o yurakan ang mga taong naging minsan eh parte ng aking buhay pero lahat sila ay parang mga estrangherong pilit sinugatan ang aking namamahingang damdamin. Hindi rin naman sa nagtatago o nagkikimkim ako ng sama ng loob pero minsan na rin nilang dinungisan at nilaspatanganan ang aking karapatan na ang adhikain lamang ay mabuhay ng normal sa aking MALAPALASYONG MUNDO na ang trono lamang ay para sa akin. Hehe

malinaw na sa inyo ang lahat… isang napakalaking PASENSIYA! kung magbanggit ako ng mga di kaaya-ayang mga salita sa mga lalaking minsang naging mga hayop sa aking paninigin.

ANG BOYFRIEND NG BAYAN

Nasusuka ako kapag naaalala ko ang isang lalaking pinapapasapasahan na ng aking mga kabaro na ang pinalalabas niya ay isa siyang leading man at SOLOMON sa kanyang buhay. Marami na siyang mga “concubines” at naging isa ako sa mga biktima ng trahedyang ito. Itago nalang natin siya sa pangalang “Bryan na nagtratrabaho sa CHOWKING”. Siguro, yung mga panahong iyon ay di maiiwasang naging alembong o makati ako na kahit anong kamot ko eh di talaga siya matanggal sa aking sistema. Ang di ko lang matanggap ay naging sawsawan siya ng bayan at ginawa niya lang akong parausan (sa totoo lang). kung tutuusin… mahayok talaga siya. Di nagtagal… iniwan niya akong nagtataka kung bakit wala na kaming komyunikasyon sa isa’t-isa. Laking gulat ko nalang na naging sila na ng aking matalik na matalik na kaibigan na si Exey at masayang masaya silang naghahalikan sa harapan ko.

I was raised by my mom with values and morals…
Di ka ba maulirat…?


ANG FEELERETTE…

Nabwibwisit ako sa sarili ko kapag nakikita ko sa campus ang lalaking feelerette o feeler talaga kung tawagin. Mano ba naman na minsan… nagkita kami sa ordinaryong tambayan ng mga lasinggero… ang (MAYCHEN) na bigla nalang naging kami within two hours. Alam ko naman na bangallou ako ng mga panahong iyon dahil sa hudas na Cossack Vodka na kapatid ni Tanduay na pinsan naman ni Emperador. Siyempre, tao rin naman akong nahumaling sa kanyang mala Coby Bryant na height at in fairness… sobrang bango niya na dumating sa punto na ang amoy niya ay dumidikit na sa aking balat… pero ang nakakainis sa lahat ay mano ba naman ibroadcast sa ibang tao na mahal na mahal ko siya at hinahabol ko daw siya para di daw siya mawala sa aking buhay. Gagawin ko daw ang lahat lahat na ultimo allowance niya eh pagtitiyagain kong paghirapan para sa kanya! HALLeeRRR!! So ang pinalalabas niya eh obsess na obsess ako sa kanya!

Di ko gagawin ang lahat para sa kanya. Mas gugustuhin ko pang gumastos at bumili ng Designer bags kaysa sa paggastusan siya…
Itago nalang natin siya sa pangalang Mr. Intrams way back two ow ow… yun na yun!.

PUNYETANG MAYA BIRD

Isang napakalaking pagkakamali sa aking buhay ang minahal ang isang MAYA BIRD. Ang MAYA ay balbal na salita na ang ibig sabihin ay “dicreet gays”. Masyado na ata akong praning at wangbu sa aking mga emosyon… Nagimbal ang aking mga friensters sa rebelasyong ito at nagimbal din ang buhay ko nung nakaramdam ako ng ganung klaseng pakiramdam. Haay naku! Eto pa ang mas nakakaloka!.... mas bakla siya kaysa sa akin. Walang kamatayang pag-uusap tungkol sa kanyang pagkatao na puro kabaklaan ang lahat!! Di ko talaga makaya ang lahat!

Hanggang ngayon ay kinokontrol ko pa rin ang aking emosyon at napagtanto ko na di ko na siya mahal… mas mahal pa ako sa kanya kung presyo ang pina-uusapan!
Itago nalang natin sa pangalang JOJO EL ABRINGE.

To be Continued sa Valentines Day!

1 comment:

  1. kilala ko ang last...
    isa siyang dakilang DIYOSA hindi ba?

    ReplyDelete